Shefja e Departamentit të Epidemiologjisë pranë ISHP-së Silva Bino, në një intervistë me televizive foli për situatën nga Covid në vend teksa u shpreh se varianti Delta është goxha i rrezikshëm.
Bino theksoi se 80 përqind e pacientëve janë infektuar me variantin Delta, duke shtuar se masat antiCovid nuk janë zbatuar.
“Varianti Delta është tepër infektues. Është rritur numri i rasteve në spitale, por vaksinimi ka ndikuar që të mos jetë në nivele alarmante. Masat antiCovid nuk janë respektuar. Plot 80 përqind e rasteve janë me variantin Delta. Muaji gusht ka pasur rritje të rasteve. Për vjeshtën nuk e besoj se do kemi rritje të rasteve, në rast se merren masat që kemi thënë, duke u izoluar, në momentin kur dikush rezulton pozitiv.
Shqetësuese është mosrespektimi i masave. Vaksinimi ka ndaluar përhapjen e infeksionit. Edhe vaksina nuk e ndal plotësisht transmetimin. Varianti Delta po prek edhe fëmijët, ndaj duhet kujdes, të respektohen masat antiCovid. Edhe muaji shtator do jetë muaj i hapur vaksinimi”, deklaroi Bino.
