Ashtu siç i kushtoni vëmendje veshjes suaj duke zgjedhur fustanin e duhur, flokët meritojnë kujdesin e duhur. Nuk është e nevojshme që flokët të jenë të ngrirë apo të keni një model shumë të ndërlikuar.
Këto tre modele “glamour” të flokëve do të plotësojnë stilin tuaj dhe ju mund të prekni flokët tuaj të butë, duke kaluar gishtat mes tyre pa problem.
“Shpërthimi” i tapetit të kuq
Kthimi i flokëve nga jashtë gjallëron stilin tuaj në jetën e përditshme dhe ëhstë një mënyrë shumë e mirë për t’i mbajtur flokët e lëshuara.
Hapi i parë: Në flokët e laguara aplikoni një shkumë voluminoze. Por në vend që ta aplikoni atë direkt në flokë, përdorni një furçe, për t’u sigurar se do të përhapet njëtrajtësisht.
Hapi i dytë: Thajini flokët me kokën poshtë dhe përdorni gishtat gjatë tharjes. Më pas kalojeni tharsen nga pas dhe në çdo anë, derisa të siguroheni që janë tharë komplet.
Hapi i tretë: Përdorni një furçë të rrumbullakët duke i tharë flokët tuaj me seksione. Pastaj në fundin e tyre rrotullojini te furçja dhe shtypni opsionin e ftohtë te tharsja për të krijuar përdredhjet. Më pas aplikoni një spraj në një furçe me qime të fortë dhe kalojeni te flokët.
Valët e guackës
Të jenë të lirdhme dhe të shkëlqyeshme.
Hapi i parë: Përdornin një shkumë nga rrënja tek fundi i flokëve. Rrotullojini flokët në anën e kundër që po përdorni tharsen dhe thajini në 70% të tyre.
Hapi i dytë: Ndajini flokët në seksione dhe përdorni mashën për t’i kthyer nga lartësia e veshit dhe poshtë. Lërni mashën për rreth 6 sekonda, sa të ndjeni ngrohjen në flokët tuaj.
Hapi i tretë: Aplikoni një llak për t’i shtuar folumin dhe për të krijuar qëndrueshmëri dhe më pas krihini me një furçe për të krijuar valë të njëtrajtshme.
Kapini flokët lehtë
Ky model flokësh i kapjes së një topuzi krijon shumë elegancë.
Hapi i parë: Krihini flokët me një furçe me dhëmbë të gjerë dhe krijoni një ndarje në mes. Më pas bëni dy gërsheta të hollë në të dyja anët e flokëve, duke lënë të lëshuar pjesën pas dhe thajini ato deri në 80%.
Hapi i dytë: Mblidhnini flokët që keni lënë lëshuar me përjashtim të dy gërsheteve.
Hapi i tretë: Lëshojini gërshetët dhe ndërlidhini me flokët e kapur bisht dhe me njëri-tjetrin. Më pas krijoni një topuz të rrombullakët dhe sigurojnei me kapëse./icon
