Sezoni i festave duhet t’ju gjejë gjithnjë të përgatitura. Një këshillë e blogereve të huaja tregon se duhet të bëni disa prova përpara se të vendosni se çfarë nuancash do të përdorni për festat.
Zakonisht në këtë periudhë vajzat mendojnë për pamjen e Natës së Vitit të Ri, ose le të themi fillojnë dhe shikojnë çdo lajm të mundshëm lidhur me një make-up tipik për festat.
AlpeNews.al do të bëhet këshilluesi juaj për këtë muaj festash, duke ju treguar disa prej sendeve që duhet t’i keni me patjetër në sirtarin tuaj.
I pari për këtë muaj është buzëkuqi ngjyrë të kuqe e errët, që me patjetër duhet ta keni me vete ditët e këtij muaji.
Mund ta përdorni në pjesën më të gjatë të ditës, kur ndodheni në punë, ose kur keni një kafe të shpejtë dhe nuk dini se çfarë të gjeni si zgjidhje të momentit. Shumë prej personazheve publikë kanë përzgjedhur buzëkuqin e errët si “mikun” e tyre të përjetshëm.
Gjëja e dytë është peneli.
Në fakt sejcila prej jush e di që në mëngjes një make-up i shpejtë do t’ju kushtonte shumë nëse sikur edhe një kënd të penelit do ta bënit gabim.
Por faktet tek personazhet botërorë të fushës së shoëbiz-it tregojnë të kundërtën. Ka aktore të cilat dalin edhe pa penelin, por përdorin disa nuanca neutrale të cilat nuk i vënë në pah lodhjen e tyre.
Për së treti është lapsi i syve.
Një prej gjërave që nuk besojmë se mungon në kuletën tuaj. Zendaya aktorja e famshme amerikane ka mbi 100 lapsa të ndryshëm dhe që i ndërron shpesh gjatë ditëve.
Lapsi i syve duhet të jetë me ngjyra jo të ndezura, por të qëndrojë mes të zezës dhe grisë së errët. Të paktën për këtë muaj.
Nëse ju vajza nuk do të keni këto tre aksesorë në kuletën tuaj atëherë do t’ju duhet të mendoheni më tepër për make-up-in tuaj sesa për veshjen dhe paraqitjen “Natën e Ndërrimit të Viteve“.
AlpeNews.al ju këshillon gjithashtu të ndiqni disa prej personazheve më të famshëm amerikanë dhe jo vetëm.
/ Përgatiti: AlpeNews.al
