Turistët që ndodheshin në “Prestige Resort” në momentin e nisjes së aksionit të paligjshëm të IKMT-së janë të tronditur nga ndërhyrja e ekskavatorëve duke iu shkatërruar atyre pushimet.
Mes tyre kishte edhe shumë turistë nga Polonia të cilët kanë dërguar foto dhe video në mediat e vendit të tyre duke rrëfyer tmerrin që kanë përjetuar.
“Zbritëm në mëngjes dhe u habitëm. Pajisjet e rënda hynë në ambientet e hotelit dhe filloi prishja e dy nga tre pishinat. Në hotel kishte mbërritur një grup i madh turistësh nga Polonia. Nuk e di nëse do vazhdojmë të qëndrojmë këtu. Disa thonë se hoteli do të prishet i gjithi”, thotë Robert një turist polak që qëndronte në “Prestige Resort”.
Media polake duke cituar burime nga Shqipëria shkruajnë se shembja është urdhëruar nga vetë kryeministri i vendit Edi Rama, ndërsa theksohet se hoteli është ndërtim plotësisht i ligjshëm.
“Prestige Restort” është një nga destinacionet më të preferuara të pushimeve verore në Shqipëri. Me një shumëllojshmëri objektesh argëtimi, duke filluar nga pishinat, baret dhe restorantet, resorti është një destinacion i preferuar për turistët vendas dhe të huaj.
