Një aksident u regjistrua mbrëmjen e sotme në Tiranë. Një urban u përplas me një automjet.
Policia ka dalë me një njoftim zyrtar, duke bërë me dije se si pasojë e aksidentit janë dëmtuar dhe janë paraqitur në spital dhe ndodhen jashtë rrezikut për jetën dy pasagjerët e automjetit që u përplas me autobusin.
Automjeti i ka prerë rrugën urbanit i cili më pas ka humbur drejtimin dhe ka përfunduar drejt Lanës.
Sakaq burime nga spitali i Traumës bëjnë me dije se dy të lënduarit që ishin pasagjerë në makinë janë jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit.
Tiranë/Informacion paraprak
Më datë 29.04.2022, rreth orës 20:10, në afërsi të Kinema Agimi, një autobus është përplasur me një automjet, dhe si pasojë drejtuesi i autobusit ka humbur kontrollin mbi drejtimin e tij, dhe ka rënë në Lumin Lana.
Si pasojë e aksidentit janë dëmtuar dhe janë paraqitur në spital dhe ndodhen jashtë rrezikut për jetën dy pasagjerët e automjetit që u përplas me autobusin.
Grupi hetimor ndodhet në vendngjarje dhe po punon për sqarimin e rrethanave të aksidentit.
