Zv.kryeministri Erion Braçe ka reaguar pas ultimatumit të presidentit Ilir Meta, pak ditë më parë kur kërkoi nga qeveria që të anulohej projekti i ndërtimit të Unazës së Re.
Braçe ka thënë se reagimi i Metës është i tepërt, madje partiak sepse duket sikur ai është kthyer në një drejtues punimesh të një vepre publike.
‘Është e tepërt. Është edhe politikë, por thënë edhe më ngushtë është vendim partiak. Drejtues punimesh për një vepër publike. Më duket i tepërt ky rol i Presidentit.
Ajo mund të gjykohet dhe kontrollohet nga ekspertët nga teknikët. Në të gjitha rastet duhet të përfundojë në një vepër publike në shërbim të qytetarëve të Tiranës’, ka thënë Erion Braçe, i ftuar në emisionin ‘Open’.
