Ambasadorja e BE-së në Tiranë, Romana Vlahutin, ka theksuar se Shqipëria duhet të ndryshojë para se të hyjë në BE, dhe jo pas saj.
Ajo ka rikujtuar edhe një herë faktin se Shqipëria duhet të plotësojë kushtet dhe standartet, që të mund të anëtarësohet në Bashkimin Europian.
“Bashkimi Europian ua ndryshon jetën përditë, por kjo nuk mund të ndodhë në kohën kur Shqipëria të futet në BE, por përpara.
Ndaj kontributi ynë shkon për përmirësimin e sektorëve të caktuar. Shqipëria është në një moment të rëndësishëm”, ka thënë Vlahutin.
