Çmimet botërore të ushqimit u ulën në tetor, ndikuar nga çmimet më të ulëta të produkteve të qumështit, mesatarisht 27 për qind më poshtë se të gjitha normat e larta të arritura në fillim të vitit 2011.
Indeksi i Çmimeve të Ushqimit të FAO mesatarizoi 176.4 pikë për muajin tetor, me ulje 1.3 për qind nga shtatori, ndërkohë që ende ishte 2.5 për qind më shumë se një vit më parë.
Indeksi i Çmimeve të Ushqimit të FAO është matja e ndryshimit mujor në çmimet ndërkombëtare të një shporte të mallrave ushqimore.
Sipas FAO-s indeksi i Çmimeve të produkteve të qumështit ra me 4.2 për qind gjatë muajit, duke shënuar rënien e parë që nga maji i këtij viti.
Kuotimet ndërkombëtare për gjalpë dhe qumësht pluhur u ulën në tetor, pasi importuesit u kufizuan në blerje duke pritur furnizime të reja nga Oqeania, ndërkohë që kërkesa e ulët dhe stoqet e bollshme që ndërhynë në BE ulën çmimet e qumështit pluhur.
Për vajrat vegjetalë Indeksi i Çmimeve i FAO ra gjithashtu me 1.1 për qind nga vlera e shtatorit, pasi çmimet kryesore të vajrave të palmës dhe të sojës u ulën në dritën e pritshmërisë pozitive për prodhim.
Indeksi i Çmimeve të sheqerit të FAO ra 0.7 përqind, i ndikuar nga dobësimi i monedhës në Brazil, eksportuesi më i madh dhe në vijim të pritshmërisë për prodhim më të madh të panxharit në BE dhe një prodhim më të lartë në Federatën Ruse.
Gjithashtu edhe për mishin ra 0.9 përqind, pasi konkurrenca e fortë midis eksportuesve të mishit të derrit, e kombinuar me kërkesën e ngadaltë të importit, shkaktoi uljen e kuotimeve ndërkombëtare.
Ndërsa për drithrat Indeksi i Çmimeve në FAO u rrit me një nivel, 0.4 për qind, drejtuar nga çmimet më të larta të orizit edhe kur kuotimet e grurit ishin përgjithësisht më të ulëta.
Prodhimi i drithërave drejt një rekordi të lartë
Prodhimi global i drithërave në vitin 2017 parashikohet të tejkalojë kulmin e vitit 2016 me një diferencë të vogël, sipas raportit të FAO-s më të fundit të Kërkesës për Furnizim me Drithë, të publikuar po sot.
Prodhimi botëror i drithërave pritet të arrijë një rekord të ri, falë rritjes në Amerikën e Jugut dhe Afrikën Jugore. Prodhimi i grurit, në të kundërt, parashikohet të bjerë paksa për shkak të vëllimeve më të ulëta të korrjeve të parashikuara në Shtetet e Bashkuara të Amerikës. Prodhimi botëror i orizit, nga ana tjetër, pritet të mbetet përgjithësisht i qëndrueshëm.
Vlerësimet e fundit të FAO-s tregojnë për një rritje prej 1.0 për qind në shfrytëzimin e drithërave në rang botëror gjatë vitit të ardhshëm, me rezervat botërore të drithërave që pritet të kapin një rekord të ri deri në fund të sezonit në vitin 2018. Rezervat globale të orizit dhe farërave janë parashikuar të arrijnë një rekord të lartë, ndërsa rezervat e grurit tashmë e kanë arritur.
Duke pasur parasysh nivelin e lartë të furnizimeve nga eksporti, konkurrenca midis eksportuesve kryesorë gjatë vitit të ardhshëm pritet të mbetet e ngurtë, me zgjerimin e vëllimit të tregtisë botërore në misër dhe oriz që kompenson rënie e pritur të grurit.
FAO do të ofrojë informacion më të hollësishëm dhe analiza të prirjeve kryesore të mallrave ushqimore më 9 nëntor, kur publikon numrin e ardhshëm të Vëzhgimit të Ushqimit.
