“Fantazma e Kievit” është një mit. Zyrtarët e Ukrainës e kanë pranuar më në fund përmes një postimi zyrtar këtë fundjavë në llogarinë e Twitterit.
“Informacioni për vdekjen e “Fantazmës së Kievit” është i pasaktë. #Fantazma e Kiveit është i gjallë, ai mishëron shpirtin kolektiv të pilotëve shumë të kualifikuar të Brigadës së Aviacionit Taktik, të cilët po mbrojnë me sukses Kiev-in si dhe gjithë vendin”, shkruhet në postimin zyrtar të Forcës Ajrore Ukrainase. Javën e kaluar disa media prestigjoze përfshirë “The Times of London” pretenduan se e kishin identifikuar pilotin misterioz, legjendën e gjallë të forcës ajrore Ukrainase. Ai ishte një baba vetëm 29-vjeçar, që ishte vrarë së fundmi gjatë një betejë me forcat ruse. Por të shtunën datë 30 prill, ushtria ukrainase mohoi se piloti misterioz që jo pak kishte ngacmuar imagjinatën në këto dy muajt e fundit, të ekzistonte në realitet. Autoritetet ushtarake ukrainase pranuan të shtunën se nuk ekzistonte asnjë person të tillë.
Komanda e forcës ajrore shkruajti në facebook se “Fantazma e Kievit, është një legjende me superheronj, karakteri i të cilit u krijua nga vetë ukrainasit”. Piloti heroik, u tha se kishte rrëzuar mbi 40 avionë luftarakë rus në betejën e 13 marsit duke shkaktuar vdekjen e shumë forcave ruse shkruante “The Times of London”. Madje “Fantazmes së Kievit”, iu gjet dhe identiteti në artikull, sigurisht gjithçka ishte vetëm një aludim.
Sipas “The Times of London” ai ishte majori i ushtrisë Ukrainase Stepan Tarabalka. Përsëri komanda e forcës ajrore Ukrainase sqaroi se “ Heroi i Ukrainës Stepan Tarabalka nuk është Fantazma e Kievit dhe se nuk shkatërroi 40 avionë rus”. Qeveria ukrainase ka pasur rol kyç në krijimin dhe përjetësimin e mitit të një piloti të vetëm të guximshëm luftarak që me shënjestër të shkëlqyer shkatërronte në çdo rast luftimi armikun rus. “Njerëzit e quajnë atë Fantazma e Kievit, dhe me të drejtë!”, shkroi në shkurt qeveria ukrainase në Twitter duke i bërë jehonë figurës së famshme misterioze e madje duke shtuar se piloti në fjalë ishte “tashmë ishte bërë makthi i avionëve rusë”.
Por shumë njerëz vunë në dyshim nëse “Fantazma e Kievit ” ishte i vërtetë. Madje një video që qarkulloi me miliona herë në rrjetet sociale pas fillimit të luftës rezultoi se ishte marrë nga një video lojë. Disa komentuan duke thënë se piloti i dhe MiG-29 Fulcrum nuk kishte kapacitetin e duhur për të kryer sulme të tilla ndaj aviacionit luftarak rus. E megjithatë shumë njerëz në mbarë botën ishin të etur për të ditur më shumë për fatin dhe identitetin e vërtetë të pilotit enigmatik. “E vërtetë ose jo, Fantazma e Kievit është pikërisht ajo histori frymëzuese që i duhet rezistencës,” -shkruajti një person në Twitter.