Presidenti Donald Trump bleu një Tesla të re në Shtëpinë e Bardhë të martën, duke zgjedhur një nga modelet në ngjyrë të kuqe me shkëlqim.
“Uau, kjo është e bukur”, tha Trump ndërsa u ul në sediljen e shoferit të një modeli S.Musk u fut në anën e pasagjerit dhe nuk i kurseu batutat për faktin që Trump nuk ishte në makinën e tij të blinduar “Bisha” dhe se kjo do t’i shkaktonte një “infarkt” shërbimit sekret.
Ata folën për faktin se makina mund të arrijë 95 kilometra në orë në pak sekonda.
Trump u tha gazetarëve se ai do të shkruante një çek për makinën, e cila shitet me pakicë për rreth 80,000 dollarë, dhe do ta linte në Shtëpinë e Bardhë në mënyrë që stafi i tij ta drejtonte.
Presidenti tha gjithashtu se shpreson se blerja e tij do të nxisë Teslën, e cila po lufton me uljen e shitjeve dhe rënien e çmimeve të aksioneve.
Presidenti republikan njoftoi në mediat sociale brenda natës se ai do të blinte një Tesla të re si “një shfaqje besimi dhe mbështetjeje për Elon Musk, një amerikan vërtet të madh”.
Musk vazhdon të drejtojë Tesla – si dhe platformën e mediave sociale X dhe prodhuesin e raketave SpaceX – duke shërbyer gjithashtu si këshilltar i Trump.
