Gjendet i pajetë 4-vjeçari shqiptar i cili ishte shpallur i humbur dy ditë më parë në Zvicër.
Zeneli, 4 vjeçar u gjet i mbytur në Villnachern nga punonjësit e një hidrocentrali.
Sipas dyshimeve të para të autoriteteve zvicerane dyshohet se 4-vjeçari ka rënë në lumë duke luajtur.
Zeneli po luante me nënën e tij dhe me fëmijët e tjerë në një shesh lojërash kur papritmas, rreth orës 16:30,e ëma vuri re se ai nuk ishte.
‘Ai është një djalë i shoqërueshëm, që i beson të gjithëve. Për Zenelin nuk ishte hera e parë që ishte në këtë shesh lojërash, sepse ka shumë fëmijë miq atje. Ne donim që ai të kishte më shumë kontakte me fëmijët e tjerë, të bisedonte me ta dhe të luante me ta. Ne gjithmonë ndiheshim të sigurt këtu’, thotë nëna e tij, Burbuqe M. mes lotëve.
