etaje të reja kanë dalë në dritë në lidhje me vrasjen e 33-vjeçarit në Hot të Ri.
Valter Fierza, është qëlluar pranë rrugicës së shtëpisë së tij në fshatin Hot i Ri. 33-vjeçari dyshohet se është qëlluar pas një konflikti të ndodhur në lokalin e fshatit.
Viktima është gjetur nga familjarët i vrarë me armë zjarri jashtë makinës së tij, të cilët më pas kanë njoftuar policinë.
Sipas policisë, viktima banues në Hot të Ri është vrarë në rrethana ende të paqarta, ndërsa janë ngritur pika kontrolli dhe vijon krehja e zonës me qëllim kapjen e autorit apo autorëve.
“Rreth orës 21.48, në fshatin Hot i Ri, në rrethana ende të paqarta është vrarë me armë zjarri shtetasi Valter Fierza, rreth 33 vjeç, banues në fshatin Hot i Ri, Shkodër. Në vendngjarje kanë shkuar menjëherë shërbimet e Policisë dhe grupi hetimor. Janë ngritur pika kontrolli dhe vijon krehja e zonës me qëllim kapjen e autorit/ve. Grupi hetimor nën drejtimin e Prokurorisë vijon punën për sqarimin e rrethanave të ngjarjes”, tha policia e Shkodrës në një njoftim paraprak për mediat.
