Kryeministri eshte i ftuar në emisionin “Opinion” të gazetarit Blendi Fevziu përballë panelit të analistëve Artan Hoxha, Klodiana Lala, Robert Rakipllari dhe Ervis Iljazaj.
I pyetur nga drejtuesi i emisionit për aludimet e opozitës se kryeministri po udhëton së fundmi me makinë të blinduar, Rama ftoi të ftuarit që jane te fushës të dilnin jashtë dhe ta verifikonin duke e mohuar një gjë të tillë.
“Makina nuk është e blinduar, ma ka sjellë im vëlla qekur kam qenë në opozitë por nuk është e blinduar”, u shpreh Rama.
Pjesë nga biseda:
Rama: Njëri nga ata të fushës të çohet nga studioja dhe të shkojë dhe të shohi nëse makina është e blinduar apo nuk është e blinduar.
Fevziu: Është makina e vëllait tuaj.
Rama: Po e vëllait është. Një nga ata të fushës të çohet tani shkojë ta verifikojë nëse makina është e blinduar.
Artan Hoxha: E kemi blinduar që kur erdhëm!
Rama: Mirë ishte t’i bënit verifikimin përpara se t’i bënit blindimit.
Fevziu: E ka thënë opozita. Se gazetarët nuk kanë pistoleta në dorë që të provojnë.
Rama: Makina nuk është e blinduar. Është e vitit 2009. Ma ka sjellë im vëlla kur kam qenë në opozitë. Ka dalë një lajm që kam blerë një makinë të re qindra mijëra euro. Kam çuar makinën e stërkonsumuar në servis dhe kam marrë me qira një makinë nga servisi. Unë përdor atë makinë sepse nuk kam dashur t’i kushtojë para…Siç e dini nuk di t’i japë makinës, di t’i japë vetëm makinës së qeverisë. Nuk kam asnjë makinë të blerë si kryeministër. Makina që thonë se është Benz i ri me raketa brenda, është makina që të jep servisi kur jep makinën tjetër…