Kryeministri Edi Rama, në një komunikim online njoftoi se nuk do të hyjë në fuqi çmimi i ri i energjisë elektrike, duke shpjeguar edhe arsyet për këtë vendim. Rama tha se inflacioni e solli lufta dhe jo qeveria, duke shtuar se është vënë re një kursim i energjisë elektrike, si edhe ka pasur një rritje të reshjeve dhe po ashtu pritet që edhe në vijim të ketë shtim të reshjeve, arsye që sipas tij sollën edhe këtë qëndrim.
“Rol të rëndësishëm ka fillimi i një qasjeje pozitiv të abonentëve për ta kursyer energjinë. Kemi pasur përmirësim të nivelit në Fierzë dhe presim të materializohet edhe parashikime për reshje të tjera, ndaj në këto kushte dhe me angazhimin e plotë për të shfrytëzuar çdo mundësi, qeveria e ka barrën ta menaxhojë këtë , që aplikimin i fashës 800kë të mos hyjë në fuqi në muajin tetor. Të gjithë duhet të jenë të vëmendshëm që ta kursejnë sa më shumë energjinë. Inflacionin e ka sjellë lufta jo qeveria, por qeveria do të jetë në krye të detyrës njësoj si me pandemine apo tërmetin , t’ja dalë edhe në këtë situatë”, tha Rama.
