Sali Berisha ka deklaruar sonte se do të përballet me çdo akuzë që do i bëhet edhe nëse ato janë të renda.
Berisha tha se askush nuk mund të ngre akuza penale kundër tij, pasi nuk ka shkelur kurrë ligjin, por nëse ndodh nuk do të largohet nga vendi dhe do të përballet në gjykatë.
Ai u shpreh se nuk i ka shkuar kurrë në mendje të largohet dhe shtoi se s’ka asnjë lloj imuniteti që e mbron.
Nëse e sheh që politikisht, dhe që e ndjen që do të hapin kundër teje një padi penale, ti do qëndroje në Shqipëri?
Nuk më ka shkuar kurrë në mendje që të largohem nga vendi.
Po çfarë mendove për Gruevskin kur iku?
Fajtor. Plotësisht fajtor, sepse fajtori ikën. Nuk ka imunitet për Sali Berishën. Jam krenar që kam hequr imunitetin në Kushtetutë. Nuk ka parashkrim për Sali Berishën. Nuk ekziston kurrë shkelje e ligjit nga unë.
