Kryeministri Edi Rama premton se më 26 nëntor të këtij viti fëmijët e mësuesit e gjimnazit “Arif Sula” në Mamurras, i shkatërruar nga tërmeti katastrofik, do të hyjnë në një shkollë të re.
Teksa publikon fotot e shkollës së re në ndërtim, kryeministri thekson se ajo do të jetë me kushte optimale, e pakrahasueshme me të vjetrën dhe pa dallim nga shkollat nëntëvjeçare të komunave kudo në Europë.
“👉 26 nëntori i shkuar i la pa strehë mësimore fëmijët e mësuesit e gjimnazit “Arif Sula” Mamurras, Kurbin, por në 26 nëntorin që po vjen, ata do të hyjnë në një shkollë të re, me kushte optimale, e pakrahasueshme me të vjetrën dhe pa dallim nga shkollat nëntëvjeçare të komunave kudo në Europë👍
📚143 SHKOLLA TË REJA me standarde europiane, të gjitha gati brenda vitit 2021, në vend të godinave të sojsojshme të goditura nga fatkeqësia e fundvitit 2019, janë një përgjigje kuptimplotë në emër të #ShqipërisëqëDuam🇦🇱☀️”, shkruan Rama.