Detaje të reja janë publikuar nga dosja e AKSHI në SPAK, ku janë zbuluar një pjesë e përgjimeve që përmban kjo çështje. Veç të tjerash, nga hetimi ka dalë në pah se Ergys Agasi kishte instaluar pajisje për regjistrim në zyrën e tij. Përgjimet nga dosja e AKSHI janë publikuar nga kreu i grupit parlamentar të PD-së, Gazment Bardhi.
Gjithashtu, nga publikimi i pjesëve të dosjeve është dhe rasti i marrjes peng të biznesmenit, Gerond Meçe. Dëshmia e tij është përfshirë në hetimet e SPAK për disa tendera shtetërore. Biznesmeni u mor peng derisa pranoi të tërhiqej nga ankimimet që kishte bërë për disa tendera. Gazetari Elton Qyno, i ftuar në ‘Top Story’, ka zbuluar detajet nga dosja, ku ka treguar edhe momentin e rrëmbimit të biznesmenit në sy të babait.
“O çuna, s’jam kriminel”/ Dosja e AKSHI-t, zbardhet dëshmia e biznesmenit që u mor peng që të tërhiqej nga tenderi
“Rasti që po flasim është rasti kur janë proceduar vetëm 8 persona. Sot kemi një institucion që nuk ka një kok që ta drejtojë. Nëse do të vazhdojë të drejtohet shteti me video-call dhe Whatsapp le të vazhdojnë. Ai ka qenë në oborrin e pallatit, kanë shkuar 4 veta me makinë, dhe janë prezantuar si punonjës të BKH. Kushdo që mund të ishte do ti bindeshin.
Ata nuk kanë paraqitur dokumente zyrtarë por vetëm jelek. Kur ka hipur në makinë njëri është përpjekur ti vëri pranga por s’ja vuri dot. Kur janë mbyllur dyert, pash babain në hyrje ta pallatit por pastaj më vunë kapuç në kokë. Familja e tij nuk ka bërë kallëzim. Kallëzimi është bërë një muaj me vonesë, sepse ai është traumatizuar, ka analizuar situatën më një mikeshën e tij që ka lidhje me ambasadën amerikane. Nga data 12 gusht 2025, 8 ditë më pas është rrëmbyer një tjetër zyrtar i AKSH-it, Daniel Shima. Personi i parë është larguar për çështje sigurie”, tha Qyno.
