Ka ndërruar jetë në Spitalin Ushtarak në Tiranë i plagosuri me armë sot në fshatin Rehovë të Skraparit. Ai është Jonuz Banaj, ish-kryetari i fshatit.
Autori i ngjarjes, Fatmir Cenaj, 58 vjeç u arrestua në kohë rekord nga policia. Motivi i ngjarjes sipas bluve të Beratit, ishte për konfliktet e pronave.
NGJARJA
Plagos me armë zjarri për motive pronësie ish kryetarin e fshatit, Policia kap dhe arreston në kohë rekord autorin e ngjarjes.
Rreth orës 9:40, shtetasi Fatmir Cenaj, 58 vjeç, banues në fshtin Rehovë, Poliçan ka plagosur me armë zjarri për motive pronësie, ish kryetarin e fshatit shtetasin J.B, 60 vjeç, banues në Rehovë, Poliçan.
Menjëherë shërbimet e policisë organizuan punën dhe fal veprimeve të shpejta bënë kapjen dhe arrestimin në kohë rekord të autorit i cili ishte fshehur në kodrat e fshatit.
Në cilësinë e provës materiale u sekuestrua dhe arma tip automatik model 56.
Shtetasi i dëmtuar u transportua me helikopter për në Spitalin Ushtarak Tiranë, për ndihmë mjeksore më të specializuar.
Grupi hetimor po punon për zbardhjen e plotë të rrethanave të ngjarjes.
