Ditën e sotme në mediat kosovare u publikua një lajm ku thuhej se vëllai i kryeministrit të Kosovës, Daut Haradinaj njëherazi deputeti i AAK-së, është ndaluar në Vjenë për shkak të një fletë arresti të lëshuar nga Serbisë. Por këtë lajm e ka përgënjeshtruar vetë Daut Haradinaj. Ai me anë të një fotoje ku shihe ‘live’ nga Vjena hedh poshtë lajmin e arrestimit të tij.
Kujtojmë se lajmi i rremë për ndalimi i Daut Haradinaj vjen pas disa kohësh që nga arrestimi i kryeministrit të Kosovës Ramush Haradinaj në Francë por që më pas u la i lirë.
Kohët e fundit mes Serbisë dhe Kosovës negociatat janë thuajse ‘zero’ dhe situata është tepër e tensionuar. Serbia kërkon heqjen e taksës 100% për mallrat serbe ndërsa Kosova ka deklaruar se nuk do të tërhiqet deri në njohjen e pavarësisë nga Serbia.