“Jam i gëzuar të komunikoj se Presidenti ka arritur kriteret e duhura për një ndërprerje të karantinës. Nuk është më i konsideruar si rrezik për transmetimin e Covidit. Tani, 10 ditë nga nisja e sintomave, pa temperaturë që prej 24 orësh dhe me të gjitha sintomat e përmirësuara, testet tregojnë se nuk ma më asnjë provë të riprodhimit të virusit. Ndërkaq, testet kanë treguar një rënie të ngarkësës virale”, tha Conley.
Presidenti Donald Trump mbajti të shtunën pasdite në Shtëpinë e Bardhë aktivitetin e parë me të ftuar që kur rezultoi pozitiv për koronavirusin.
Presidenti foli nga ballkoni i Shtëpisë së Bardhë në një aktivitet të quajtur ‘protestë paqësore për rendin dhe ligjin’, ku morën pjesë disa qindra njerëz, të cilët qëndronin në lëndinë poshtë tij.
Presidenti fillimisht kishte në fytyrë një maskë, por e hoqi para se të fliste. Ai u prit me entuziazëm nga mbështetësit e tij.
