Del emri dhe fotografia e shqiptarit i cili u gjet i vdekur në një burg në Greqi, mëngjesin e kësaj të diele.
Bëhet fjalë për 36-vjeçarin nga Lezha, Aleksandër Llazari. I ndjeri njihej në Shqipëri edhe si Sajmir Gjeloshi, ndërkohë që u gjet i pajetë në orët e para të mëngjesit të 8 nëntorit, në ambientet e burgut në Agjia në Hania.
Në trupin e 36-vjeçarit nuk u konstatuan shenja dhune, ndërkohë që kufoma u dërgua për ekspertizë mjeko-ligjore. Lidhur me këtë rast autoritetet helene kanë nisur hetimet për zbardhjen e shkaqeve të vdekjes.
/AlpeNews.al
