Dy ditë më parë në një pyll në Dölauer Heide të Gjermanisë, u gjet trupi i pajetë i një 27-vjeçari shqiptar. Viktima u gjet rastësisht të dielën nga një kalimtar.
Media gjermane “Bild”, shkruan se viktima është 27-vjeçari Ismail P. i cili merrej me boks në ndeshje joprofesioniste. Pas verifikimit të ngjarjes, prokurori tha se Ismaili, kishte plagë të shumta me thikë dhe me armë të cilat i kanë sjellë edhe vdekjen.
Viktima njihet nga të gjithë me nofkën “Mbreti”, dhe u gjet në pyll i mbuluar me gjethe.
Kjo ngjarje mendohet të ketë ndodhur të mërkurën, tre ditë para se të gjendej trupit. Sipas dëshmisë së një taksisti, i cili e kishte sjellë deri aty afër, shqiptari kishte lënë edhe një çantë me karta në makinë, duke thënë se do të kthehet t’i marrë përsëri. Viktima i kishte thënë taksistit se do shkonte të takonte një mik dhe duhet ta priste aty deri sa të kthehej, por nuk ia doli të kthehet asnjëherë.