Një shtetas shqiptar që vuante dënimin në burgjet greke, është dërguar me urgjencë në spital, pasi është gjetur pa ndjenja në qelinë e tij.
Ngjarja ka ndodhur në burgun e Trikalas, ndërkohë që sipas mediave greke, ai kishte konsumuar sasi të mëdha alkooli dhe kishte humbur ndjenjat.
Sakaq, autoritetet greke u mobilizuan menjëherë dhe e dërguan të burgosurin në spital, dhe sipas tyre ndodhet në gjendje të stabilizuar.
Menjëherë, ka nisur një hetim për të zbuluar se ku e gjeti alkoolin në burg i burgosuri shqiptar, i cili vuan dënimin për trafik droge. Paraprakisht dyshohet për alkool të përgatitur nga frutat në ambientet e burgut.
