U ekzekutua sot në oborrin e shtëpisë së tij në Larushk të Krujës, Gentian Bejtja, ish polic i burgjeve. Bejtja ka qenë shënjestër e disa atentateve.
Por kush është Gentian Bejtja?
Ai është hetuar edhe për vrasjen e kryekomisarit Dritan Lamaj, pasi u dyshua bashkë me Enver Stafukën, si një nga autorët e vjedhjes së makinës nga e cila u vra Lamaj, në shkurt 2013. Bejtja u bë i njohur me 26 shkurt të vitit 2013, një ditë pas vrasjes së kryekomisar Dritan Lamajt, në rrugën “Petro Korçari”, fare pranë banesës së tij.
Ai së bashku me Enver Stafukën, u akuzuan për vjedhjen e mjetit tip ‘BMW’, e cila u përdor nga Enver Stafuka u rrëmbye para një viti nga 4 persona të veshur me uniforma policie, ndërsa nuk dihet ende fati i tij.
Stafuka bashkë me Bejtjan, u hetuan nga Prokuroria e Durrësit e më pas nga Krimet e Rënda. Ndërkohë, Krimet e Rënda ia kaluan çështjes Apelit në Durrës, ku Bejtja mori pafajësinë. Pak kohë më pas Bejtja u arrestua në flagrancë më arsenal armësh, pasi iu gjetën armë automatike, ‘Skorpions’.
Më pas u arrestua si pjesëtar i grupit të ‘Larshkut’, të cilët kishin kryer një seri vjedhjes të makinave.
Gentian Bejtja është shoqëruar edhe për dy atentate, atë të vrasjes së Ilias Çalit në autostradën Tiranë-Durrës, në prill të 2022-it dhe atentatit ndaj Marklen Hakës në qershor po të vitit të shkuar, por nuk u gjetën prova për ta fajësuar si autor të dyshuar.
Alpenews.al