Ish-kryeministri Sali Berisha denoncoi ditën e sotme arrestimin e kandidatit të PS-së për bashkinë e Pogradecit Ilir Xhakollit, në doganën e Qafë Thanës për kontrabandë.
Duke iu referuar qytetarit dixhital, Berisha thonte se ai është liruar brenda 24 orësh me ndërhyrjen e kreut të grupit parlamentar të PS-së Taulant Balla, por këtë deklaratë e ka përgënjeshtruar vetë Xhakolli.
Kandidati i PS-së këshillon Berishën të pyesë para se të bëjë denoncime, pasi pretendon se është bërë gazi i botës dhe po tallen njerëzit me të.
Reagimi i plotë:
Sinqerisht me vjen keq për ju Sali Berisha. Një njeri në moshën tuaj dhe me funksionet që ka pasur, të arrijë në këtë derexhe.
Por këtej nga anët tona thonë: Kur njeriu kalon në fazën e fundit të çmendurisë, fillon ha prej për dheri (çfarë të gjejë)
Një këshillë miqësore kam për ty, para se të publikosh diçka pyet paraprakisht sepse u bëre gazi i botës dhe pogradecarët janë duke u tallur me ty.
Nuk do reagoja kundër shpifjes tuaj të ulët, por e kam detyrë morale të informoj qytetarët e Pogradecit.
Gjendja juaj mjerane tregon edhe njëherë se 30 Qershori ndan shapin nga sheqeri, midis një politike të vjetër dhe shpifëse dhe politikës tonë për ti dhënë fund njëherë e përgjithmonë kësaj situate në 30 Qershor!
