Shumë qytetarë në Turqi janë mbledhur në Stamboll në mbështetje të figurës kryesore të opozitës Canan Kaftancioglu.
Ajo kryeson degën laike të Partisë Popullore Republikane në Stamboll. Kaftancioglu buzëqeshi dhe përshëndeti me dorë turmën që brohoriste në mbështetje të saj.
Ajo është dënuar për fyerje të presidentit Recep Tayyip Erdogan dhe shtetit turk. Disa nga akuzat lidhen me disa mesazhe të publikuara në Twitter 10 vite më parë. Kaftancioglu ka thënë vazhdimisht se akuzat ndaj saj janë të motivuara politikisht.
_124854484_istanbul2
Presidenti Erdogan është përballur me akuza nga Perëndimi dhe grupet e të drejtave të njeriut për goditje ndaj gjyqësorit dhe organeve të tjera shtetërore.
Në vitin 2019, Kaftancioglu u dënua me nëntë vite, tetë muaj e 20 ditë burg. Pas një apeli, dënimi u reduktua në pak më pak se pesë vite. Sipas ligjit turk, dënimet nën pesë vite mund të pezullohen.
