Arrestimet në masë pas grushtit të shtetit në Turqi, vazhduan sot me kapjen e 643 personave të dyshuar për terrorizëm, sipas Ministrisë së Brendshme turke.
Mbi dy të tretat e tyre, 467 të arrestuar, akuzohen për lidhje me organizatorin e dyshuar të grushtit të shtetit, klerikun turk Fetullah Gulen.
Ndërsa 112 persona të tjerë u arrestuan gjatë një operacioni kundër Partisë së Punëtorëve të Kurdistanit (PKK), midis të cilëve 17 ishin militantë kurdë që mendohet të jenë “neutralizuar”, që do të thotë të vrarë, të plagosur ose të kapur, shkruan ata.
Gjithashtu, autoritetet kanë dënuar me paraburgim 46 persona të dyshuar për lidhje me ISIS-in dhe 18 anëtarë të organizatave të paligjshme të ekstremit të majtë.
Mbi 50 000 persona janë arrestuar në Turqi të dyshuar për terrorizëm, që prej përpjekjes së dështuar të grushtit të shtetit në korrik 2016.
