Një avion pasagjerësh me 168 persona në bord për pak sa nuk përfundoi në det.
Avioni rrëshqiti në pistën e akullt të aeroportit të Trabzonit në Turqi.
Për fat, avioni ngeci me hundën e varur, pasi gomat u ngulën në baltën e akullt.
Kompania Pegasus Airlines konfirmoi se nuk ka asnjë person të plagosur.
Avioni ishte nisur nga Ankaraja dhe po ulej në Trabzon, kur doli nga pista.
Një nga pasagjeret tha se ata i kapi paniku.
Fluturimet në Trabzon u anuluan dhe ekipet e emergjencës bënë detyrën e tyre më së miri.
Tashmë aeroporti është rihapur.