Ky që shihni në foto është Rafael Genish, izraeliti që përmes kompanisë RG Capital ndërtoi një aktivitet kriminal në fushën e Call Center-ave në Shqipëri.
Kur mësoi që Prokuroria e Tiranës kishte nisur hetimet për tregun e jashtëligjshëm të kompanive të palicencuara të FOREX, izraeliti kishte në plan arratisjen nga Shqipëria.
Megjithatë ai nuk i shpëtoi dot policisë shqiptare, duke u arrestuar kështu dy ditë më parë. Mbi Genish rëndon akuza e mashtrimit kompjuterik ndaj të huajve.
Nga operacioni i policisë për krimin kibernetik, u arrestuan 34 persona ndërkohë që 22 të tjerë janë nën hetim.
Mbi 2 mijë shtetas të huaj u mashtruan nga skemat e bëra në FOREX-in e tij në Shqipëri, ndërkohë që janë kontaktuar 2 milionë persona.
Pas operacionit janë sekuestruar “RG Company”, ambientet ku ushtrohej veprimtaria e Call Center në Tiranë, qindra pajisje ndërsa po punohet edhe për të sekuestruar shuma parash të cilat dyshohet se janë depozituar në llogari bankare brenda dhe jashtë vendit.
