Këshilltari i lartë ekonomik i presidentit amerikan, Donald Trump, Gary Cohn, po jep dorëheqjenn, njoftoi Shtëpia e Bardhë.
Kjo është dorëheqja më e fundit në një seri largimesh të zyrtarëve me një profil të lartë nga ekipi i Presidentit Trump.
Ka pasur spekulime se Z. Cohn, mbështetës i tregtisë së lirë, u zemërua nga planet e zotit Trump për të vendosur tarifa për importet e aluminit dhe çelikut.
Në një deklaratë të lëshuar nga Shtëpia e Bardhë, Z. Cohn tha se ishte “një nder që i kam shërbyer vendit tim”.
Ish-presidenti 57-vjeçar i bankës Goldman Sachs e ndihmoi z. Trump të shtyjë përpara reformat e tij gjithëpërfshirëse në fund të vitit të kaluar.
BBC
