Ndërsa ka mbetur pak më shumë se një javë para fillimit të gjyqit të dytë në Senat për ish-Presidentin e Shteteve të Bashkuara, Donald Trump, ekipi i tij ligjor duket të jetë në kaos.
Dy avokatë me emër nga Karolina e Jugut, Butch Bowers dhe Deborah Barbier, pritej të ishin avokatët kryesorë të zotit Trump. Por media njoftonte të shtunën se të dyja palët kishin rënë dakord të mos punonin bashkë.
Greg Harris dhe Johnny Gasser, dy ish-prokurorë federalë nga Karolina e Jugut, gjithashtu janë larguar nga ekipi, raporton Associated Press. Ata thuhet se nuk ishin të gatshëm të mbronin zotin Trump në bazë të pretendimeve të mashtrimit zgjedhor.
Josh Howard, një avokat i Karolinës së Veriut i cili u shtua kohët e fundit në ekip, gjithashtu është larguar, raporton CNN.
