Presidenti Donald Trump ka paralajmëruar Britaninë se po humbet kulturën dhe idenditetin e saj duke lejuar miliona emigrantë të jetojnë aty. Ai tha se emigrimi masiv ka ndryshuar Evropën për keq dhe nëse nuk merren masa të menjëhershme do të jetë tepër vonë.
“Kjo vin si pasojë e mënyrave që emigrantët e paligjshëm përdorin për t’u futur ne vendet europiane dhe pastaj mënyra e jetesës së tyre nuk mund të jetë kurrë e denjë”, u shpreh Trump.
Duke folur për “The Sun” në Bruksel përpara se të shkonte dje në Britani, Trump tha: “Unë mendoj se ajo që ka ndodhur në Evropë është një turp. Lejimi i emigracionit masiv në Evropë është një turp.
Ai shtoi: “Unë mendoj se ka ndryshuar strukturën e Evropës dhe, nëse nuk veproni shumë shpejt, asgjë nuk do të jetë si më parë. Kështu që mendoj se duke lejuar miliona njerëz të vijnë në Evropë është shumë trishtuese.
“Unë mendoj se po e humbni kulturën tuaj. Shikoni përreth. Ju po bëni gjera që askush nuk do t’i kishte menduar 10 apo 15 vite më parë”, e mbylli fjalën e tij Trump.
