Një ngjarje e rëndë ka ndodhur në Vlorë, ku sërish në bregdet ka pasur të shtëna. Gjithçka ka ndodhur kur 38 vjeçari, Gaqo Gjini nga Vlora, prej kohësh ishte i kërkuar nga policia për tre vepra penale.
Pasi policia ka shkuar ta arrestojë ai ka hapur zjarr ndaj tyre duke shkaktuar panik të madh tek banorët e pushuesit.
Kujtojmë se vetëm para pak ditësh Dhërmiu u trondit nga të shtëna armësh në diskon e natës.
Kush është Gaqo Gjini:
NJOFTIMI I POLICISË
I kërkuari ka rezistuar duke tentuar të godasë me mjete prerëse një prej punonjësve të Policisë.
Efektivi në kushtet e vetëmbrojtjes e ka neutralizuar duke e goditur me armë një herë në këmbë.
Shtetasi G.Gj. është transportuar për të marrë ndihmë mjekësore në Spitalin Rajonal Vlorë dhe është jashtë rrezikut për jetën.
38 vjeçari ishte shtetas i shpallur në kërkim për veprat penale ”Plagosje e rëndë me dashje”, ”Kundërshtim i punonjësve të policisë”, dhe ”Armëmbajtje pa leje”.
Vijon puna nën mbikqyrjen e Prokurorisë Vlorë dhe SHÇBA-së, për zbardhjen e plotë të rrethanave të ngjarjes.
Policia e Shtetit në kuadër të masave për rritjen e parametrave të sigurisë gjatë sezonit turistik, po ushtron kontrolle të shumta në të gjitha zonat me risk për evidentimin dhe kapjen e personave me precedentë që janë aktualisht në territorin e vendit apo që mund të vijnë gjatë verës nga rradhët e emigrantëve.
Këto kontrolle janë shtrirë dhe po vijojnë me forca e shërbime shtesë të policisë kriminale dhe agjentë civilë, për të garantuar një ambjet të qetë dhe të sigurt në qytetet si Durrësi, Fieri, Vlora, Lezha e Shkodra.
/AlpeNews.al
