Një bombol gazi ka shpërthyer në një biznes në zonën e Yzberishtit në kryeqytet ku si pasojë është plagosur një grua. Si pasojë e shpërthimit të bombolës së gazit është plagosur pronarja e një byrektoreje, ndërsa shpërthimi ka krijuar edhe shumë dëme materiale duke e shkatërruar plotësisht biznesin në fjalë.
Byrektorja ka qenë në katin e parë të një pallati ndërsa shpërthimi ka krijuar tronditje dhe panik tek banorët. Ndërkohë policia ka shkuar në vendin e ngjarjes dhe po heton për zbardhjen e plotë të kësaj ngjarje.
