Andi Lila, një nga lojtarët më mediokër të Kombëtares, që grumbullohej për shkak të miqësive në Federatë, ka nisur fushatën si kandidat i PD-së për zgjedhjet e 25 prillit.
Ai kishte vajtur të bënte një reportazh në fushën e Kavajës, por aty, policët, që janë më rëndë se Lila, e kanë përzënë nga fusha.
Kaq është dashur, që prej dy-tri ditësh, në mediet e PD-së, të merren me këtë skandal kombëtar.
Lulzim Basha thotë se e ka marrë në telefon i tronditur Lilën.
“Kjo është e turpshme dhe kriminale! Sapo përfundova një telefonatë me Andi Lilën, një nga yjet e futbollit shqiptar, të cilit policia i kërkoi të largohej nga fusha e futbollit në qytetin e tij të lindjes në Kavajë, ndërkohë që jepte një intervistë për media.
Kjo vetëm për faktin se Lila është një nga kandidatët për deputetë propozuar nga PD Kavajë! Kjo duhet të marrë fund! Askush nuk do të na mbyllë gojën!
Në demokraci çdokush ka të drejtë të thotë çfarë të dojë. Ne do ta mbrojmë me forcë këtë të drejtë të fituar me sakrifica dhe nuk do lejojmë që Shqipëria të kthehet sërish në diktaturë”, shkruan Basha.
