Disa fotografi të shpërndara në urgjencën e spitalit Sinai-Grace në Detroit të SHBA-së tregojnë se trupat ruhen në dhomat e e lira dhe grumbullohen mbi njëra-tjetrën brenda njësive mbajtëse frigoriferike. CNN i mori fotot nga një punëtor i dhomës së urgjencës.
Dy punonjës të tjerë të dhomave të urgjencës konfirmojnë se fotografitë janë një portretizim i saktë i skenës që po ndodh në spital gjatë fillimit të muajit Prill, gjatë ndërrimit të turnit 12 orësh që ata përshkruajnë si të jashtëzakonshme.
Të dy burimet tregojnë për CNN se të paktën një dhomë ishte përdorur për të ruajtur trupat sepse stafi i morgut nuk punonte natën, dhe morgu ishte plot.
Në foto dy trupa u vendosën në një shtrat, krah për krah, dhe një trup tjetër është vendosur në një karrige pranë shtratit. Të tre trupat janë në çanta trupash të bardha.
“Kjo ishte për shkak se ne nuk kishim marrë akoma ngrirësit tanë të jashtëm, kështu që ato dhoma kishin shtretër dhe njerëzit e morgut nuk punojnë natën,” tha punëtori.
Në përgjigje të këtij incidenti, dy punonjës të ER në spital i tregojnë CNN se spitali vendosi të porosiste njësi portative për ruajtjen e frigoriferëve për të ruajtur trupat.
Të shtunën e 12 prillit, CNN vizitoi spitalin dhe pa se 5 njësi ruajtëse frigoriferike ndodheshin në parking.
Në një foto tjetër të marrë nga CNN nga një punonjës i dhomave të urgjencës, çantat e trupit tregohen të mbivendosura njëra-tjetrën brenda një njësie frigoriferike në spital.
SHBA është vendi më i prekur në botë nga Covid-19 me 23,070 viktima dhe 572,169 të infektuar sipas statistikave nga universiteti John Hopkins.
