Një e treta e stafit të Shërbimit Kombëtar të Shëndetit (NHS) në Britani dhe punonjësve të tjerë kryesorë që janë testuar për koronavirus kanë rezultuar pozitivë, sipas të dhënave të lëshuara nga qeveria britanike.
Sipas shifrave të lëshuara të hënën e 13 prillit, janë testuar 16,888 persona që janë në kategorinë e “punëtorëve kryesorë dhe familjeve të tyre”. Deri më tani, 5,733 persona ose 34% e stafit janë infektuar me Covid-19, shkruan CNN.
Qeveria ka qenë nën presion për të rritur testimet për punonjësit e Shërbimit Kombëtar të Shëndetit dhe familjet e tyre, mes shqetësimeve për mungesën e pajisjeve të përshtatshme mbrojtëse personale.
Ministri i Shëndetësisë, Matt Hancock ka thënë më parë se stafi i NHS i cili ka simptoma, do të jetë në gjendje të testohet sipas planit të qeverisë, me qëllimin përfundimtar të sigurojë testimin për të gjithë stafin e NHS, pavarësisht nga simptomat.
