Divjaka, qyteza në Shqipërinë e mesme është sot një nga parqet natyrore më të vizituara për turizmin detar, natyror, atë të vëzhgimit të shpendëve ujorë dhe kulinarinë me bazë prodhimet e detit si dhe perimet bio të fushave të saj.
Por krahas natyrës edhe qyteti është transformuar duke u kthyer në një atraksion në vetvete.
Mesa duket, kryebashkiaku i Divjakës, Fredi Kokoneshi, ka bërë një punë shumë intensive në qytet, duke nisur nga qendra e cila është transformuar totalisht deri tek zonat e tjera të qytetit.
Normalisht që një qytet që është tërheqës për syrin e vizitorëve, është një potencial për zhvillimin e turizmit të Divjakës.
Çdo fundjavë me dhjetëra vizitorë vendas dhe të huaj e frekuentojnë Divjakën për të vëzhguar nga afër shpendët e shumta që ndodhen në këtë park të mbrojtur.
Në fakt objektivi kryesor është pekikani kaçurrel, edhe pse interesi qëndron edhe tek flamingot, rosta e egra, strugat e ëmbla etj.
Në fakt Divjaka ka të zhvilluar edhe turizmin bregdetar, ku duhet të theksohet se më së shumti janë familjet ato që e zgjedhin si destinacion, pasi krijon hapsira që fëmijët të lozin dhe jo vetëm.
Guidat turistike me varka janë një nga pikat e turizmit të Divjakës, ku shumica e vizitorëve e shikojnë si një atraksion
.
Pa harruar edhe Kullën “360 gradë”, e cila të jep mundësinë që nëpërmjet ngjitjes së saj të shikosh një pamje të plotë nga Karavastaja.
Përgatiti: AlpeNews.al
