Trajneri i Belgjikës, Roberto Martinez, e ka publikuar listën me lojtarët e ftuar për dy ndeshjet miqësore ndaj Meksikës dhe Japonisë.
Martinez ka vendosur ta rikthejë Radja Nainggolanin në kombëtare pas incidentit me duhan, i cili e kishte lënë atë jashtë kombëtares që prej marsit të këtij viti, transmeton Express.
Megjithatë, 29-vjeçari e ka fituar vendin në kombëtare përsëri pas performancave me Romën duke e ndihmuar skuadrën të qëndrojë e pamposhtur dhe të dalë e para në grupin e saj në Ligë të Kampionëve.
Belgjika takohet me Meksikën të premten e ardhshme, e pastaj me Japoninë me 14 nëntor.
Kjo është lista me të ftuarit: : Casteels, Courtois, Mignolet, Sels; Boyata, Ciman, Dendoncker, Kabasele, Jordan Lukaku, Meunier, Vermaelen, Vertonghen; Chadli, De Bruyne, Defour, Dembele, Januzaj, Nainggolan, Tielemans, Witsel; Batshuayi, Depoitre, Eden Hazard, Thorgan Hazard, Romelu Lukaku, Mertens, Mirallas, Origi.
