Një aeroplan ushtarak rus është rrëzuar në Siri duke vrarë 26 pasagjerë dhe gjashtë anëtarë të ekuipazhit. Lajmin e ka konfirmuar edhe ministria e mbrojtjes ruse.
Siç raporton BBC, asnjë nga 32 personat që ndodheshin në bordin e avionit, nuk kanë mbijetuar.
Detajet ende të paqarta.
Aeroplani u rrëzua gjatë uljes në bazën ajrore Khmeimim, pranë qytetit bregdetar sirian të Latakisë, raporton agjencia e lajmeve Ria Novosti.
Ministria e mbrojtjes po heton rrëzimin, por të dhënat paraprake sugjerojnë se kjo mund të jetë si pasojë e një mosfunksionimi teknik, thuhet ne deklarate.
