Një ngjarje tragjike është shënuar pasditen e sotme në liqenin e Shkodrës, ku një kapiten anijeje dyshohet se ka humbur jetën gjatë përpjekjes për të shpëtuar dy turistë që kishin rënë në ujë.
Sipas informacioneve paraprake të policisë, viktima është shtetasi A. A., 51 vjeç, kapiten i një anijeje turistike në pronësi të Bashkisë Shkodër. Ndërkohë, dy turistët janë shpëtuar dhe ndodhen jashtë rrezikut për jetën.
Njoftim:
Rreth orës 16:32, është marrë njoftim nga Salla Operative se në liqenin e Shkodrës, kapiteni i anijes për qëllime turistike e Bashkisë Shkodër, shtetasi A. A., 51 vjeç, dyshohet se gjatë përpjekjes për të shpëtuar dy turistë që kishin rënë në ujë, është mbytur
Turistët janë shpëtuar dhe ndodhen në gjendje të mirë shëndetësore.
