Një vajzë 32-vjeçe ka ndërruar jetë si pasojë e një aksidenti mbrëmjen e sotme. Viktima është Siljana Uldedaj. Sipas policisë rreth orës 17:25, në aksin rrugor Velipojë – Shkodër, në afërsi të kishës makina tip “Benz” me drejtues A. U. 28 vjeç, banues në lagjen “Tre Heronjtë” është përplasur me motoçikletën që drejtohej nga 32-vjeçarja.
Siljana Uldedaj është dërguar me shpejtësi për ndihmë në spital, por në orën 20:25 ndërroi jetë si pasojë e goditjes që pësoi. Drejtuesi i makinës është shoqëruar në polici, ndërsa vijon puna për zbardhjen e ngjarjes. Ndërkohë që pasdite në Milot u plagosën dy persona si pasojë e një tjetër aksidenti.