Një aksident i rëndë ka ndodhur në aksin Cërrik-Gramsh, pranë fshatit Qerret, ku dy automjete janë përplasur kokë më kokë. Si pasojë e përplasjes, një person 50-vjeçar ka humbur jetën, ndërsa dy të tjerë kanë mbetur të plagosur, raporton gazetari Ronaldo Gjoshi.
Policia ndodhet në vendin e ngjarjes për të hetuar shkaqet e aksidentit dhe për të përcaktuar përgjegjësitë. Shoferi i makinës tjetërtë përfshirë në aksident, G.K., 21 vjeç, është shoqëruar në komisariat për veprime të mëtejshme.
Rreth orës 09:00, në aksin rrugor “Gramsh-Cërrik”, automjeti me drejtues shtetasin G. K., 21 vjeç, shtë përplasur me automjetin me drejtues shtetasin E. H., 39 vjeç. Nga aksidenti ka humbur jetën shtetasi A. H., rreth 50 vjec, pasagjer në automjetin me drejtues shtetasin E. H., si dhe janë dëmtuar shtetasi E. H. dhe pasagjeri tjetër në automjetin e tij, të cilët janë jashtë rrezikut për jetën. Shtetasi G. K. është shoqëruar në komisariat, për veprime të mëtejshme procedurale.’, njofton policia.
Gjendja e të plagosurve dhe rrethanat e plota të ngjarjes pritet të sqarohen në vijim.
