Një 40-vjeçar ka humbur jetën këtë të enjte në Durrës, pasi dyshohet se është ndjerë keq gjatë punës në një kantier ndërtimi.
Sipas informacioneve paraprake, ngjarja ka ndodhur rreth orës 15:00, në lagjen nr. 4, ku shtetasi me inicialet E. L. dyshohet se ka humbur ndjenjat teksa ishte duke punuar.
Ai u transportua me urgjencë drejt spitalit, por nuk arriti t’i mbijetojë, pavarësisht ndihmës së dhënë nga mjekët.
Grupi hetimor, nën drejtimin e Prokurorisë, ka nisur veprimet për të përcaktuar shkakun e humbjes së jetës dhe për të zbardhur plotësisht rrethanat e ngjarjes.
