Një i ri shqiptar ka gjetur vdekjen gjatë një aksidenti në punë paraditen e sotme në një kompani betoni në një zonë industriale në periferi të Altamura (Bari).
Viktima është Kreshnik Gockaj, 28 vjeç, me kombësi shqiptare. Punëtori i ri ishte i angazhuar në operacione shpimi.
Nga hetimi paraprak, dyshohet se punëtori është shtypur nga një makineri e rëndë. Në vendin e ngjarjes shkuan forcat zjarrfikëse dhe autoambulancat, por nuk u bë dot gjë për të riun. Hetimet për të zbardhur plotësisht rastin vazhdojnë.