Një 65-vjeçar ka humbur jetën aksidentalisht në fshatin Garunjas, në Njësinë Administrative Ballagat të Bashkisë Lushnje.
Viktima, Besnik Hasalla, ishte duke punuar në pronën e tij të mbjellë me ullinj, në një zonë kodrinore me terren të thepisur. Sipas informacioneve paraprake, ai kishte nisur punimet për frezimin e ullishtes, kur mjeti bujqësor me agregat frezë ka dalë nga kontrolli në një pjerrësi.
Në fund të dishezës, mjeti është përmbysur dhe ka zënë poshtë 65-vjeçarin, i cili ka humbur jetën si pasojë e plagëve të marra.
Në vendngjarje kanë mbërritur shërbimet e ambulancës, të cilat kanë transportuar trupin e pajetë drejt morgut, ndërsa grupi hetimor ka nisur punën për zbardhjen e plotë të rrethanave të ngjarjes.
Sipas burimeve paraprake, dyshohet se shkak i aksidentit ka qenë terreni i pjerrët ku po kryheshin punimet.
Ky është rasti i tretë fatal me mjete bujqësore në zonën e Lushnjes gjatë dy muajve të fundit, duke rikthyer shqetësimin për sigurinë e fermerëve gjatë punës në terrene të vështira.
