Një 20-vjeçar shqiptar ka humbur jetën ditën e sotme në Megaplatano Atalanti, Greqi.
Mësohet se ai ka qenë duke drejtuar një traktor në një fermë me ullinj dhe mjeti është përmbysur duke i shkaktuar vdekjen e menjëhershme.
Sipas mediave greke, në vendngjarje ka shkuar ambulanca me dy zjarrfikëse për ti ardhur në ndihmë 20-vjeçarit shqiptar, por të gjitha përpjekjet ishin të kota.
Ndërkohë, policia po vijon hetimet për zbulimin e shkaqeve të plota të aksidentit tragjik.