Ndodhej për pushime në Vlorë, humbet jetën pushuesi rumun. 63-vjeçari me iniciale K.U. ndodhej duke pushuar pranë plazhit të Akademisë së Marinës në Vlorë, së bashku me familjen e tij.
Në momentin që ka hyrë në det, rumuni ka ndjerë shqetësime dhe ka kërkuar ndihmë te familjarët e tij. Në vendngjarje, pas lajmërimit, shkoi autoambulanca, por gjatë transportit në spital, 63-vjeçari ka ndërruar jetë.
Mësohet se turisti ka pësuar një goditje në zemër (infarkt, sapo ka hyrë në kontakt me ujin e detit, ndërsa nga spitali i Vlorës konfirmohet se familjarë të tij kanë bërë me dije se 63-vjeçari kishte probleme në zemër prej disa vitesh. Rumuni K.U. prej disa ditësh ndodhej në Vlorë për të kaluar pushimet e verës së bashku me familjen e tij.
