“Të dielën unë i çova në park. Tani ata nuk jetojnë më… “. Me duart që i dridhen dhe sytë e skuqur nga dhimbja, Ardian Hyseni tregon në celular fotot dhe videot e fëmijëve të tij. I kthen shpinën banesës të shkatërruar ku u përplas automjeti në aksidentin e tmerrshëm mbrëmjen e së dielës në Villa Gaida, Via Emilia.
Nuk ka guxim të kthehet drejt atij vendi ku humbën jetën tre fëmijët e tij dhe nipi i vogël, fotoja e të cilit bie në sy edhe si imazhi i profilit në Facebook, shkruajnë mediat italiane.
“Vajza ime Shane kishte insistuar aq shumë, më tha: “Babi, unë po vij të marr Resatin dhe Rejanën sonte. Veshuni mirë, do t’i marrim me vete për darkë”. Ata shkuan të hanin sushi në një restorant japonez në Reggio. Isha i qetë. Sa më kishte zënë gjumi në shtëpi. Pastaj befas, pas orës 8, më telefonoi policia”, tregon ai.
Së bashku me gruan e tij Anjeza ata nxitojnë nga Parma në Reggio ku perballen me tragjedine qe kishte ndodhur per familjen e tyre.
Anjeza nuk i bën ballë lajmit dhe bie në tokë, duke uleritur. Me pas ajo është dërguar në spitalin Maggiore në Parma.
“Një tragjedi pa shpjegim“,- thotë Ardiani, duke tundur kokën pa pushim.
Bashke me të në mëngjes, për të qenë pranë tij, kanë mbërritur disa të afërm nga Vicenza.
“Ka diçka të çuditshme në dinamikën e këtij aksidenti” thonë ata.
Ata bëjnë fotografi ne vendngjarje dhe kërkojnë me dëshpërim një arsye.
“Por këtu nuk ka kamera? Do të donim të kuptonim “, vijojnë ata teksa pyesin banorët e zonës dhe pronarët e një biznesi matanë rrugës.
“Shane ishte një vajzë e mrekullueshme. Resat dhe Rejana dy fëmijë te mrekullueshem, inteligjentë dhe të sjellshëm. Ne jemi pa fjalë”, thotë tezja e tre nga kater viktimave.
Celulari i Ardianit bie pa pushim. Ai është djali tjetër i tij.
“Është i fundit që më ka mbetur, jeton në Francë – thotë Ardiani – Ne jetojmë prej disa vitesh pranë Parmës, punoj murator, por kemi kohë që jemi në Itali”.
Familja Hyseni, emigruan vite më parë nga Shqipëria, nga Durrësi, në Itali.
Ata kishin mbërritur në Emilia, pas një periudhe kohe në Italinë e Jugut, në Basilicata, ku Ardiani kishte gjetur punë.
“Ne do të shkojmë në vendin tonë për të mbajtur ceremonine mortore”thotë Ardiani, shkruajne mediat italiane.