Tragjike është ngjarja e regjistruar mbrëmjen e sotme në Gllogjan të Deçanit në Kosovë , ku një autobus me nxënës është sulmuar me armë.
Sipas Express përveç shoferit të autobusit dhe dy nxënësve, ka ndërruar edhe kondukteri i autobusit, duke shënuar kështu viktimën e 4.
Ndërsa, kryetari i Deçanit, Bashkim Ramosaj për Express tha se autobusi po barte nxënësit nga Gjakova për në Deçan.
Ndërkohë Kryetari i Aleancës Kosova e Re, Behxhet Pacolli, ka reaguar për ngjarjen.
“Jemi të tronditur nga lajmi për të paktën katër të vrarë në fshatin Gllogjan të Deçanit. Lutemi për të lënduarit dhe shprehi ngushëllimet e mia më të sinqerta familjarëve të viktimave. Tragjedi si kjo duhet të na bëjnë të zgjohemi dhe të kërkojmë zero tolerancë për armëmbajtje dhe për kriminelët e tillë!” shkroi Pacolli në një postim në Facebook. Express